Day 2

 2007年1月15日星期一

名古屋

食完早餐及寄存行李後，在酒店外有專賣零食既舖，買了一點可以在車上食。走到比較遠酒店，但係比較近車站的 Toyota 取車，點知唔係呢間，職員即刻取出地圖俾我，睇怕好多人都會以為「新幹線口店」會近新幹線車站。

去到正確的店時只是上午11時，而on-line booking時是但揀左12點，book左之後又唔可以on-line改，但心想佢一定會一早準備左架車俾我，所以早一個鐘應該唔會有問題，點知就係未有車要等。

由於好驚雪地開車危險，於是問下架車有冇雪太(tyre)，係冇既，佢仲覺得好奇怪點解要雪太，我心想我租架車緊係唔會係名古屋玩，去遠d咪會落雪law，而且出發前連名古屋都落大雪，叫我點可以唔擔心。

要雪太可以即刻有車，不過係吸煙車同埋雪太要¥2,000一日，已經買左平日唔會買既”塾低費保險”，租埋雪太就係第三個保險。

終於可以出發，第一站當然係去酒店拎行李，set個GPS”衛星導航”去酒店，點知話太近唔教，真係激死。

飛驒古川

路面時速限制係50km，但所有車行80km，當然照跟。一開始離開市區，就發現有影快相，好似香港咁，前面一個影，後面一個截車抄牌，好驚因為聽聞罰好貴，點知冇影，連有架行100km既都冇影，真係唔知要超幾多先至影。

午飯時間，途中見到回轉壽司即去，呢間叫”河童回轉壽司”，d食物好ok，而當天仲有折，所有壽司連稅都只係¥98。

其中一個“道の駅”，“道の駅”既功能係俾駕車人士休息、食飯、買手信同去廁所。

比預期遲左d到，check-in後成5:00先可以開始玩。

今日係一年只有一日既”三寺まいり”，全市會用雪砌好多蠟燭，而市內三間寺於晚上還會開放供參拜。去到第一間有免費飛驒出名既日本酒供應，因為未食飯唔敢飲太多，兩個人飲一杯，之後見派酒既大叔去洗杯，就拎支酒影相，點知俾佢見到，以為我地好欣賞支酒(其實枝酒真係好飲)，點都要我地再飲多杯，係一人一杯，點推都推唔到，只好要佢俾少d。

之後去到第二間，有燒年榚同粟米，好多日本人圍住等食，於是等埋一份。食下年榚影下相，好開心同好暖，有個大叔問我地邊到黎，一話香港就好開心同出奇，同其他所有人講我地係香港黎，仲話以為我地係日本人，聽極都唔知佢講乜，咪同佢地講聽唔明佢d地方口音。

見d粟米燒得好靚，又話要一條，點知阿叔吋我話唔係”食べ放題”，粟米要¥300，arm既，冇問題即俾。

飛騨古川駅

小運河

求姻緣

再去第三間寺，呢間去門口有好多小食，燒飛驒牛串¥350，好好食。”鴨け汁” ¥200，唔知係乜，好似有魚蛋同可能係鴨內臟既清湯，ok。

晚飯唔係好多選擇，去左之前打算book既酒店，佢話係全古川最大既酒店，book既時候回覆我地要加價一倍，緊係唔住啦，而家咪去睇下佢值唔值。

原來係一間望落係3星，但係舊左既酒店，好在冇住。跟住食佢話自己好出名既飛驒牛，但係睇間餐廳既look，冇信心食貴野，叫左個飛驒牛定食好似¥750，一般。