2006年2月12日星期日

函館

一早緊係放棄東橫inn 既飯團早餐，去食全日本最好食既海膽飯，雖然真係好奢侈，成HK$1xx，但係都一定要食，仲要日日食，唔係返左香港會後悔。

好似係個板後面果間

送既汁煮魷魚

海膽飯送長腳蟹麵豉湯

第二日的早餐 

住係東橫inn駅前真係好方便，行去元町好近，d教堂好靚，但係越行越大雪，真係行都行唔到，突然見到一個字”café”，完全唔洗商量同考慮，即時走左入去，好彩個相機一直都放係潛水殼裡面，如果唔係，果日都唔洗影相。

間café好warm同個feel都好warm，下面賣店主自製既陶器，上面係傳統日式佈置的café，要左個tea set，好好味，d果jam仲係店主用新鮮生果自制，d咖啡杯隻隻唔同，又係店主自制，樓下有得賣，不過好貴，所以空手而回。

好味厚土司

Café二樓

舊函館區公會堂 

係café坐左大約一個鍾，好唔願意地離開café繼續行程，最後來到最後一個景點函館山，當然係坐吊車上去，因為上面有交通管制，私家車要係太陽落山前落山，咁就睇唔到夜景。

一去到即往觀景台影相，因為是露天所以又凍又大風，完全影唔到靚相。之後到了餐廳食lunch，坐在落地玻璃窗旁看日落。觀景台二樓入黑後唔可以去，除非你幫襯俾錢影夜景相。

來回¥1,050

函館日景

函館日景

函館日景

炸豬排飯, 好食

排名第二既夜景

函館山

落山後發現吊車站有巴士回火車站，由於tomorrow就要番香港，緊係玩盡佢，於是係酒店外既一間店食宵夜。

由於書有介紹魷魚係合時食品，便order魷魚刺身（イカさしみ），點知佢地話冇，因為唔合時，咁咪叫佢介紹，於是介紹左やりイカ，唔知係乜，以為係朝早食既汁煮魷魚，所以唔要，又唔知食乜，好旁惶之際，見到隔離檯黎左碟魷魚刺身, 好奇怪又話冇, 於是指指果碟野問係乜，佢話咪係介紹俾我既やりイカ，やりイカ原來係槍魷魚，即刻要一隻，真好彩係最後一隻。やりイカ超好味，好可惜想食多一隻都冇，決定tomorrow再食。點知tomorrow食早餐間餐廳又話賣晒。

やりイカ(槍魷魚)

沿途有幾個地方都見有得賣既雪人酒，由於都幾重同驚打破

，所以留番係最後一站既函館買，不過如果函館冇得賣會好

後悔。