2006年2月8日星期三

層雲峽 朝陽亭à札幌駅 (酒店無料巴士10:00 – 14:30)

食完豐富早餐 (但係太日式，唔係好鐘意食)，坐酒店免費巴士返回札幌。 巴士離開酒店時，酒店上上下下大部分的員工都出來送行，真的很溫馨。巴士按來的路線回札幌，但下車的地點唔係札幌駅，在那裡走上地面，發現不知身處何處，於是走下地低，原來要坐地鐵才能返札幌。

登別 札幌(JR特急北斗61分¥4,560)à登別JR札幌駅(JR登別駅乘道南巴士「登別温泉行き」終点登別温泉巴士總站下車)

由於朝陽亭既巴士唔行收費道路，好遲先返到札幌，坐唔到萬世閣既免費巴士，唯有自費坐北斗星號去登別駅，再轉道南巴士到巴士總站下車，對面就係萬世閣。

北斗星號電話繩

到左登別駅，先買記念火車票，出站後見到有巴士，但係仲未影相，於是問下巴士司機可以可以等我地影兩張相，點知黎個日本人非常cool，態度又唔好，咪唔坐佢架車。慢慢影下相，下一班車好快到，但係未夠鐘開，這個司機就好好人，因為好凍俾我地上車等，仲見我有行李，開左個後門俾我上。

去到酒店check-in，個職員好快俾晒d房門匙同食飯coupon我地，但係好奇怪，明明因為full晒，局住book左天價既penthouse連房內河豚餐，於是問佢晚餐係唔係係房裡面食，點知佢話唔係，咪以為自己book房既時候唔了解d日文，一路行去電梯一面睇下佢俾我d野，竟然發現佢俾左其他人book既房我，唔通佢一睇我個樣就知我係唔捨得book penthouse既人。

貴房真係唔同d，當然係頂樓，一出lift就有個板叫唔係住係到既人唔好黎，行入d有個lobby(不過冇人serve)， 旁邊有個客廳，裡面有sofa同書櫃，etc.，settle down之後緊係去溫泉街shopping。

返黎再去浸溫泉，個露天風呂ok正，跟住上房食sabu-sabu河豚餐， 有專人服事，每次出入房間都躬躬敬敬，介紹菜色同食法用晒敬語，咁深唔識聽，我地唔明佢就收唔到工， 於是講左幾次都唔明，佢唯有用普通語，明啦好開心。之後佢又用敬語，睇黎佢好驚俾人發現佢唔夠尊敬我地。最後仲要幫我鋪埋床先走，服務100分，不過個河豚餐就好失望。