2006年2月7日星期二

層雲峽 新札幌駅à札幌駅à朝陽亭

早上於酒店食自助早餐，check-out後，不忘於駅旁的無印良品買點手信，再乘JR往札幌駅，轉乘酒店無料巴士向層雲峽出發。巴士上只得我們兩個外國人，感覺很奇怪。

住朝陽亭，雖然已經由11月開始計劃同book酒店，但好多酒店都已經full了，結果要住貴酒店。

IC道路繳費站

中途休息站門口-北海道地圖

休息站的免費滑雪場-好剌激

酒店巴士途經旭川接其他旅客，發現除旭川JR駅外有幾十個雪人外，竟連停車場內都有，真係好有冬日氣氛。

旭川停車場內的雪人

冰瀑祭

由於氣溫只有 -12ºC，相機的電力只能維持2-3張相，雖然每次影完都立刻放入衣服裡面，但都覺得唔係好有效，突然靈機一觸, 買一罐熱飲放入袋裡，以增加袋內溫度，點知太高興自己能想出如此妙計，手快快買錯了凍飲，結果要再買多一罐，真係好嬲自己。因為太凍又冇帶暖貼，加上在酒店book 的晚餐時間到，我們還是返酒店食完野再出黎。