2006年2月6日星期一  札幌

由於今天要去多個景點，所以買了地下鉄1DAYカード¥800。

埸外市場 新札幌駅à二十四軒駅

因為覺得比較遠離市區既埸外市場，會比二條市場冇咁遊客區feel，所以選擇去埸外市場食早餐。 一到該地鐵站，先打算到站長室問一下去的方向，點知去到站長室即刻見到裡面貼了一幅地圖，清楚畫了由車站去埸外市場行走路線，於是即刻問職員取了一張地圖。

遊客區始終係遊客區，一入第一間舖就問我地從那裡來，一答了香港，就馬上帶我地去睇元貝，仲話有discount。見老闆咁好招呼，於是買左北海道元貝(好貴)同Hello Kitty電話繩做手信。走既時候老闆仲俾隻長腳蟹我地出馬路邊影相。

跟住去食早餐，叫左毛蟹同三色飯，老闆教埋我地點樣食隻蟹，因為太開心同太好食，食左三隻腳先記得影相。

毛蟹

時計台 二十四軒駅à大通駅

然後到時計台，買了時計台同電視塔的共通入場券¥720，因為打算晚上到電視塔，睇大通會場夜景。

夏天參觀既時候，估計時計台內部並不特別，所以沒有入內。今次既然要去電視塔，便比多少少錢，證實一下自己既估計，果然冇錯，真係可以唔洗入去。

時計台/電視塔入場卷

時計台電話繩

雪祭大通会場

時計台就在大通公園旁，參觀完時計台步行去雪祭大通会場就ok。 但係大通會場又大，展品又多，仲有人潮方向控制，都要計劃一下先能睇晒所有展品。

因為人多，地面既積雪都已變成冰，什麼裝備都冇用，除非有爬冰川專用既釘鞋，否則就會好跣。只可以自己小心d行。行左一陣，腳底實在太凍，凍到好似痳痺咁，要即刻去買暖貼用。

JR儲值票

57回雪祭poster

雪人電話繩

57回雪祭吉祥公仔

身暖貼

腳暖貼 

離開大通公園，經北海道廳舊本廳舍去札幌JR站，又可參觀北海道廳舊本廳舍，又可於JR地下街食lunch， 食完lunch又可以坐JR去Sapporo Factory。

Sapporo Factory只係一個shopping mall，但又好似好出名，真係有d食之無味，棄之可惜既感覺。

雪祭大通会場 – 夜景

為左影雪祭夜景，出發前專程去鴨寮街買左支$60既腳架，對於我這種傻瓜攝影師夠用啦，不過事前還是要到山頂實習一番。

但估唔到原來好多人都同我一樣，安排左去テレビ塔睇夜景，由地下排隊上到展望台，起碼要一個鐘，為有襯在二樓商店層排隊時，順便shopping一下。

上到頂層，還要手快快影左張相就走，因為想係關燈前，可以再影下雪像既夜景，結果連テレビ塔下面的おみやげ店都無時間行。

雪祭夜景

すすきの雪祭会場 大通駅àすすきの駅

睇過大通會場，すすきの雪祭会場的展品只可話似大酒店既冰雕，而且會場只是封左既馬路，興幸除左睇冰雕，還要去拉麵橫丁，否則真係有白行既感覺。

拉麵橫丁

去到拉麵橫丁，好多店外都有好多人排隊，於是選了一間不用排隊的，入店後才發現韓國電視台在採訪， 還拍了我們吃麵的全程，之後仲問我地識唔識日文，只係識少少既我地唔敢話識，希望佢地放棄訪問我地。 正打算放棄的主持問攝影師還拍了那位食客，當然係冇啦，間野除左我地兩人，得三個人，其中一個應該係香港導遊，所以識日文同中文，於是主持請左佢做翻譯。結果都係要上鏡。不過佢d麵真係好好食，走既時候老闆仲笑我地會係韓國好出名。